Fuglakjöt
Kjúklinga- og kalkúnabringur eru afbragðs góðir kostir til að fá næringarríkt prótein. Þetta er fitulítið kjöt (ef skinnið er tekið af og kjötið er grillað eða bakað í ofni en ekki steikt). Próteininnihaldið er hátt og hvítt fuglakjöt fæst nánast alls staðar. Hakkað fuglakjöt má einning nota í kjöthleifa, fyllingar og hamborgara til að skapa fjölbreytni.
Fiskur og skelfiskur
Þetta er góð uppspretta próteina. Allur fiskur er góður en mjög feitan fisk skyldi þó forðast. Lax, túnfiskur, þorskur, ýsa, lúða, sverðfiskur og silungur eru dæmi um góðan fisk. Allur skelfiskur er einnig próteinríkur og fitulítill. Það er varla hægt að gera mistök varðandi fisk svo framarlega sem hann er bakaður eða grillaður, ekki djúpsteikja hann eða þekja í smjöri eða feitum sósum.
Rautt kjöt
Magurt kjöt er próteinríkt og aðeins sjö prósent fita. (Veldu þér margran vöðva til að halda mettuðum fitum í lágmarki). Þó kransæðasjúkdómar séu helsta dánarorsök Vesturlandabúa þá er kólestról í kjöti ekki um að kenna. Magurt kjöt (71 mg), kjúklingur (bringa 72 mg) og fiskur (lúða 58 mg) innihalda mjög svipað kólestrólmagn.
Fitulítil kotasæla
Af öllum próteinfæðutegundum sem standa til boða þá er kotasæla líklega besti kosturinn. Hún er rík af amínósýrum, ein þeirra er glútamín sem vinnur að efnaskiptum í vöðvum. Hún er einnig fullkomið prótein sem felur í sér að í henni eru allar nauðsynlegar amínósýrur til uppbyggingar nýs vöðvavefs, auk þess að hún sér líkamanum fyrir því próteini sem hann þarfnast til annarrar starfsemi. Annar kostur kotasælu er að ekki þarf að matreiða hana. Það er hægt að geyma hana í kæli og hún er alltaf við hendina þegar á þarf að halda.
Eggjahvítur og eggjahvítustaðgenglar
Hlaðnar próteini, fáar hitaeiningar, ekkert kólestról og engin fita - eggjahvítur fá hæstu einkunn. Þær hafa lengi verið í uppáhaldi hjá íþróttamönnum og fjölmargir sem fylgja áætluninni neyta þeirra daglega. Varúð er þó nauðsynlegt að viðhafa. Aldrei skyldi borða hráar eggjahvítur eða of lítið soðnar þar sem hættan á salmonellusýkingu er alltaf fyrir hendi. Til að drepa allar hugsanlegar salmonellubakteríur skyldi ávallt sjóða eggið í minnst sjö mínútur, eða steikja í þrjár mínútur á hvorri hlið. Eggjakökur og eggjahrærur ætti að aleda þar til þær eru þurrar. Auðveldasta leiðin til að neyta eggja er að brjóta eggið og fjarlægja rauðuna og matreiða síðan hvítuna.
