UK Fitubrennsla 101.
 
Flestir vilja meina að 6-7 máltíðir á dag sé besta lausnin. Ég er ósammála. Mín reynsla er sú að 5 máltíðir á 3 klst fresti, frá og með þeim tíma sem þú vaknar, skili mestum árangri. Eftir að 5. máltíðin hefur verið tekin inn, ættirðu aðeins að drekka vatn þar til þú ferð að sofa.
 
Haltu þig frá öllu því sem þú veist að þú átt ekki að vera að setja ofan í þig. Ef þú hefur ratað inn á síðuna mína og skráð þig á póstlistann, þá ertu mjög trúlega einhver sem hefur margoft lesið greinar um hvaða mat á að forðast og allt það endalausa mal. Hættu að sóa tíma þínum í að reyna að fá einhvern til að segja þér að þú megir borða súkkulaði og pitsur án þess að bæta á þig. Notaðu einn dag í að borða allt sem þig langar í, og hina 6 í að borða hreina fæðu. Ég ætla ekki að búa til enn einn listann fyrir þig þar sem ég tek fram kjúklingabringur bla bla bla. Hættu bara að éta dýrafitu, sætindi og sykraðan mat. Ekki borða brauð í hvert skipti sem þú nennir ekki að elda og ekki halda áfram að telja þér trú um að líkaminn á þér sé að segja þér að honum vanti sykur í hvert skipti sem sjálfsaginn brotnar.
 
Drekktu vatn á hverri klst. Ekki gera þau mistök að drekka 1 lítra í einu, þrisvar á dag ef markmiðið er að drekka 3 lítra yfir daginn. 250 ml. af vatni á hverri klukkustund heldur efnaskiptunum gangandi og tryggir ámarks upptöku á bæði vatninu og þeirri næringu sem þú innbyrgðir.
 
Stundaðu líkamsrækt 4-6 sinnum í hverri viku. Lóða- og þolþjálfun þarf ekki að vera flókin til að skila öruggum árangri. Vertu bara viss um að mæta... og ef þú mætir, einbeittu þér þá að því að halda þjálfunaráætluninni gangandi í stað þess að missa þig í innihaldslaust spjall við fólk sem skilur ekkert í því af hverju það nær ekki framförum... þrátt fyrir að það eyði megninu af tímanum í salnum í að sóa tíma þeirra sem komu til að ná árangri.
 
Fitubrennsluefni geta hjálpað verulega við að flýta fyrir þeim árangri sem þú stefnir á. Koffín, synephrine, theobromine ofl. eru allt efni sem auka líkamshita okkar í gegnum ferli sem kallast “thermogenesis”. Þetta ferli er í rauninni ekkert annað en lifrin í okkur að breyta fitu úr fituforðanum í nýtanlega orku. Fitubrennslutöflur og drykkir, örva þetta ferli og þar men næst skjótari árangur. Ekki eyða of miklum tíma í að velta þér upp úr því hvaða tegund er best. Vertu bara viss um að varan sé framleidd af góðu fyrirtæki og að hún innihaldi allavega koffín, synefrín og grænt te.
 
CLA (conjugated linoleic acid) er fitusýra sem sýnt hefur fram á ótrúlegan árangur hjá þeim sem vilja hámarka vöðvamassa en á sama tíma brenna fitu hraðar. Inntaka ætti að miðast við 1-1.5 gr., þrisvar á dag, með mat. EAS setti þetta efni fyrst á markað árið 1998 og vakti það mikla athygli fyrstu árin... en einhverstaðar á leiðinni féll það í skugga fitubrennsluefna sem innihalda koffín og önnur efni sem stuða miðtaugakerfið. Þó svo að þau efni séu frábær leið til að örva brennslu líkamans, þá eiga þau ekkert sameiginlegt við CLA og því ættu allir sem vilja hámarka fitubrennslu og aukva vöðvamassa, að nota CLA daglega. Bætt minni, andoxun og hormónajafnvægi, eru meðal þeirra frábæru áhrifa sem þessi fitusýra getur haft, sé hún tekin reglulega.
 
Mikið prótín, meðal kolvetni og lág fita eru ennþá mín leið. Þessi næringaskipting kom fyrst til sögunnar þegar EAS varð að heimsveldi árið 1999, og þótt margir hafi skorað á gildi þess í gegnum árin, þá er niðurstaðan mjög einföld: Ef þú vilt brenna fitu og viðhalda vöðvamassa, þá nærðu árangri mun fyrr ef þú hámarkar prótín-inntöku þína, lækkar kolvetnin og lágmarkar fituna. Ég held mig við þetta enn í dag og flestir sem mæla á móti þessu hafa hingað til ekki getað sýnt mér neitt sem ætti að afsanna ágæti þessarar kenningar. Sjálfur hef ég náð hvað mestum árangri við það að nota þessa skiptingu og þeir sem ég þjálfa einnig. Kolvetni eru að sjálfsögðu mikilvæg en skoðaðu hvað þú ert að borða mikið nú þegar. Fita er nauðsynleg en við fáum oftast meira en nóg án þess að þurfa að einbeita okkur að því að borða hana. Prótín er hlekkurinn sem vantar og ættum við að notfæra okkur það til árangurs.
 
Grænt te eftir mat getur skilað ótrúlegum árangri þar sem að ákveðin efni í grænu tei, koma í veg fyrir að umfram kolvetni breytist í fitu í líkamanum. Eftir kolvetnaríkar máltíðir er mjög gott að drekka annaðhvort bolla af grænu tei (ég mæli með Sencha) eða taka 2-3 hylki af Green tea Extract.
 
Stundaðu þolþjálfun á fastandi maga eða með lágan blóðsykur. Líkaminn á auðveldast með að brenna fitu þegar lítið er af sykri í blóðinu. Bestu tímarnir eru fyrst á morgnanna eftir að þú vaknar eða strax eftir lóðaþjálfun. Ekki borða neitt þarna á milli, drekktu aðeins vatn, og láttu 30-60 mínútur líða þar til þú tekur inn þína fyrstu máltíð eftir að þolþjálfuninni lýkur.
 
Ég vona að þessar upplýsingar hjálpi þér í átt að þeim árangri sem markmið þín hafa læst sig inn á og ef þú hefur einhverjar spurningar, ekki hika við að senda mér tölvupóst á unnar@unnar.com
 
Þar til næst, breytið rétt og lifið vel.
 
UK